الـ ROAS مضلل: احسب الـ MER الحقيقي لمشروعك

من أكبر الفخاخ اللي بيقع فيها أصحاب البزنس والميديا بايرز هو الاعتماد الكلي على رقم الـ ROAS اللي موجود في الداشبورد بتاعة الفيسبوك. الحقيقة الصادمة: الـ ROAS رقم وهمي وغير دقيق.

ليه الـ ROAS مضلل؟

Over-reporting: الفيسبوك ممكن يحسبلك مبيعة واحدة مرتين (لو العميل داس على الإعلان من الموبايل، وبعدين اشترى من اللاب توب).
الـ Organic Sales: لو عميل بحث عن البراند بتاعك في جوجل واشترى من غير ما يشوف إعلان، الـ ROAS مش هيحسبه، رغم إن ده بيزود دخل المشروع.
iOS 14 & Ad Blockers: في مبيعات بتيجي من الإعلانات بس مبتتسجلش في الداشبورد أصلاً بسبب خصوصية أبل.

الحل؟ الـ Marketing Efficiency Ratio (MER)

الـ MER (ويسمى أيضاً Blended ROAS) هو الرقم الوحيد اللي ميكدبش، لأنه بيحسب كفاءة كل الفلوس اللي اتصرفت على البيزنس مقابل كل الفلوس اللي دخلت للدرج (البنك).

🧮 معادلة الـ MER:

إجمالي المبيعات الكلية للمتجر ÷ إجمالي المصاريف الإعلانية (كل المنصات)

لو المتجر دخل 100 ألف جنيه، وإنت صارف 20 ألف إعلانات (فيس + تيك توك).. إذن الـ MER هو 5. (ده الرقم اللي الـ CEO بيتابعه).

استخدم حاسبة الـ MER / ROAS اللي في الصفحة دي عشان تعمل مقارنة دقيقة بين أرقام المنصات وأرقام البزنس الحقيقية.